🗂️ 你嘅題目（Part A）
你揀一個關於自己嘅題目同五個重點，考官會挑其中 1–2 個（好少 3 個），再順住你嘅答案追問詳情。
- 題目要係關於自己，你、屋企人、工作、興趣。
- 題目唔可以同 Part B 六大主題重疊（節日、音樂、交通、特別場合、近期經歷、娛樂）。
報名之後，Trinity 會 email 一張官方 topic form 畀你。佢係一張 mind map（腦圖）：題目放中間，五個重點圍住佢。你可以喺考試之前填好，亦可以即場寫。
下面兩種寫法都可以，分別係範圍闊定窄，即你需要預備幾闊嘅範疇。
寫法一 · 闊範圍（簡單名詞）
以簡單名詞做題目同重點，考官自己諗問題，考試之前要準備嘅範圍會闊啲，任何一位屋企人都可能問到。
寫法二 · 窄範圍（Trinity 官方例子）
五個重點寫成似問題嘅短句（what、why、future、prefer…）。喺呢個例子入面，考官揀一個問你，可能會轉問法。集中講一件事，會比較易準備。
邊種啱你？
如果你有信心就五個重點都可以輕鬆用英文講，闊範圍冇問題，如果信心唔夠，窄範圍會易啲準備。
考官會就佢揀嗰個重點追問，每個重點都諗定兩個可以講嘅細節。
例如重點「Why I started this job」：
- ① I started this job because I wanted to meet new people.
- ② I found it on Indeed and applied last summer.
兩個細節已經夠你應付考官就每個重點俾嘅 1–2 分鐘。